Evangelium Secundum Marcum*
Caput 7: Versus 27
Sine prius saturari filios.Quasi dicat: Futurum est ut et vos gentes salutem consequamini: sed prius oportet Judaeos, qui antiqua electione filii Dei nominantur, pane coelesti refici, et sic tandem gentibus vitae pabula ministrari.Filiorum.[BEDA.]Mira conversio: nam Israel quondam filius, nos canes. Pro diversitate fidei ordo nominum mutatur. De illis dicitur:Circumdederunt me canes multi[Psal. 21.]. De nobis:Alias oves habeo, quae non sunt ex hoc ovili[Joan. 10.].